Romelu Lukaku, leikmaður Manchester United og Belgíu, býst við að hætta með landsliðinu eftir EM 2020.

Lukaku greindi sjálfur frá því fyrr í sumar en hann væri þá að leggja landsliðsskóna á hilluna aðeins 27 ára gamall.

Lukaku hefur raðað inn mörkum í landsliðstreyjunni en hann hefur skorað 43 mörk í 77 leikjum.

Vincent Kompany, liðsfélagi Lukaku í landsliðinu, ætlar ekki að leyfa leikmanninum að hætta að spila.

,,Ef Romelu vill hætta eftir EM 2020 þá mun ég sjálfur sækja hann til Manchester og koma með hann til Brussel,“ sagði Kompany.

Lukaku spilaði með belgíska landsliðinu gegn Íslandi í gær og skoraði tvennu í 3-0 sigri.