Usain Bolt, fljótasti maður sögunnar, er þessa stundina að reyna fyrir sér sem knattspyrnumaður.

Bolt hefur lengi viljað gerast atvinnumaður í fótbolta og hefur farið á reynslu hjá ófáum liðum.

Bolt er á reynslu hjá ástralska félaginu Central Coast Mariners í dag og kom við sögu í æfingaleik á dögunum.

Bolt spilar framarlega á vellinum en Vicente del Bosque, fyrrum landsliðsþjálfari Spánar, telur að það sé röng ákvörðun.

,,Ef hann fær smá pláss þá gæti hann orðið mjög góður fótboltamaður,“ sagði Del Bosque.

,,Hann gæti verið bakvörður sem tekur upp mikið pláss á vellinum en það snýst ekki bara um að hlaupa 100, 60 eða 70 metra.“

,,Þú þarft að gera þetta margoft og þarft að vera með mjög gott þol. Ég veit ekki hvort hann sé með það eða ekki.“