Það er rætt um það að framherjinn Paulo Dybala muni yfirgefa lið Juventus í janúarglugganum.
Maurizio Zamparini, eigandi Palermo, þekkir Dybala vel en hann var áður hjá því félagi.
Zamparini er sár yfir hvernig Massimiliano Allegri notar Dybala og segir að hann muni fara annað í janúar.
,,Í hvert skipti sem hann spilar ekki þá langar mig að gráta. Hann er á bekknum vegna Allegri,” sagði Zamparini.
,,Allegri ætti að koma til Palermo og vinna eildina. Fyrir tveimur árum sendi ég Dybala skilaboð og sagði honum að fara til Spánar en ekki Ítalíu.”
,,Hann mun fara því Juventus vill fá 120 milljónir evra fyrir hann. Ég held að hann fari til Spánar. Hann er með tilboð frá Spáni og Englandi.”