Jamie Carragher sérfræðingur Sky Sports hefur ráðlagt Marcus Rashford að koma sér burt frá Manchester United.
Rashford er ekki fastamaður hjá United og þegar hann spilar er það yfirleitt sem kantmaður.
Rashford er framherji að upplagi og þar vill hann spila.
,,Ég sé Rashford ekki taka Lukaku úr liðinu svo lengi sem hann er þarna, Lukaku var hjá Chelsea og fór í burtu til Everton. Hann endaði sem markakóngur þar og komst til Manchester United,“ sagði Carragher.
,,Everton er félag sem væri frábært fyrir Rashford, þar spilar hann í hverri viku. Hann átti slakan leik gegn Brighton í fyrra og Mourinho lét hann heyra það, Lukaku fór beint inn. Það er vandamál hans.“