Jamie Carragher, fyrrum leikmaður Liverpool, er gríðarlega ánægður með kaup liðsins á vængmanninum Xherdan Shaqiri.
Shaqiri var keyptur til Liverpool frá Stoke í sumar en óvíst er hversu stóru hlutverki hann muni gegna á leiktíðinni.
Carragher hrósar þó Liverpool fyrir þessi kaup og telur að Shaqiri muni láta finna fyrir sér á tímabilinu.
,,Ég tel að þetta hafi verið frábær kaup hjá Liverpool. Hann hefur eytt miklum tíma hjá stórliðum og er með reynslu,” sagði Carragher.
,,Ef þú skoðar verðmiðann og aldur hans, þá mun hann leggja sitt af mörkum. Hann gerði það gegn Leicester þegar hann kom inná.”
,,Ef Salah fer útaf, mun hann taka við af honum? Ég held að hann muni aldrei taka byrjunarliðssætið af honum en hann gæti komið inná.”