Mario Balotelli framherji Nice í Frakklandi var heldur betur í slöku formi þegar hann snéri aftur úr fríi í sumar.
Balotelli ætlaði að fara frá Nice en það gekk ekki eftir, hann kom því aftur til félagsins.
Balotelli var í talsvert lengra fríi en aðrir leikmenn liðsins og franskir miðlar fjalla um málið í dag.
Balotelli er í toppformi í kringum 85 kíló en hann er afar sterkur.
Þegar framherjinn frá Ítalíu skilaði sér úr fríi í sumar hafði hann borðað og drukkið vel í margar vikur.
Balotelli var nefnilega 100 kíló þegar hann mætti til æfinga, 15 kílóum þyngri en hann er í toppformi.
Framherjinn hefur verið að rífa þessi kíló af sér síðustu vikur og reynir að finna sitt gamla form.
Balotelli snéri aftur í ítalska landsliðið í síðustu viku en var baulaður af velli fyrir slaka frammistöðu gegn Póllandi.