Maurizio Sarri hefur byrjað vel með lið Chelsea á Englandi en hann tók við liðinu í sumar.
Chelsea er með fullt hús stiga eftir fjóra leiki í deildinni og virðist Sarri vita sitt sterkasta byrjunarlið.
Ruben Loftus-Cheek hefur lítið fengið að spila undir stjórn Sarri þrátt fyrir að vera orðinn enskur landsliðsmaður.
Loftus-Cheek viðurkennir að hann þurfi að sýna þolinmæði hjá Chelsea en hann hefur aðeins leikið 33 mínútur í úrvalsdeildinni.
,,Ég hefði verið til í að spila fleiri leiki en svona hefur þetta verið og ég verð að vera þolinmóður,” sagði Loftus-Cheek.
,,Ég sé þetta sem jákvæðan hlut. Ég er að spila fyrir England og geri það vel og það er án þess að hafa spilað of marga leiki.”