Alan Shearer fyrrum markamaskína segir að ef Marcus Rashford ætli að vera framherji þá verði hann líklega að fara frá Manchester United.

Rashford er mest notaður sem kantmaður en þegar hann kom upp hjá Manchester United þá varhann fremsti maður.

,,Svo lengi sem Lukaku er heill þá er Rashford ekki að fara að byrja sem fremsti maður, svo lengi sem Mourinho er stjóri þá gerist það ekki,“ sagði Shearer.

,,Ef Lukaku myndi meiðast þá held ég að Alexis Sanchez myndi frekar spila fremstur en Rashford.“

,,Myndi Mourinho leita til Rashford ef hann þyrfti annan framherja? Færi hann ekki frekar á markaðinn og myndi finna mann sem er vanur að skora mikið.“

,,Rashford spilar mest á kantinum, það tekur tíma að aðlagast þinni stöðu aftur.“

,,Ég er ekki að ráðleggja honum að fara frá United sem er frábært félag, ef hann vill ná árangri sem markaskorari þá gerist það ekki þarna.“