Jón Daði Böðvarsson, leikmaður Íslands, var svekktur með tap liðsins í kvöld gegn Belgíu, 3-0.

Jón Daði hefur fengið að spila undanfarna tvo leiki Íslands í 6-0 tapi gegn Sviss og tapinu í kvöld.

,,Þetta var erfiður leikur, við vissum það fyrir, þetta er eitt sterkasta lið heims, by far,” sagði Jón Daði.

,,Við byrjuðum fyrri hálfleik vel og vorum vel inn í þessu og hefðum getað skorað á þá, við fengum nokkur hálffæri.”

,,Svo fáum þessi klaufamörk á okkur, gegn svona þjóð er erfitt að koma til baka og þetta var eltingarleikur.”

,,Ég er alltaf sáttur með að spila en ég vil meira frá mér og allt liðið vill meira frá sjálfu sér. Maður gerir það besta úr þessu og þetta snýst um aga og hvernig maður bregst við.”

Nánar er rætt við Jón Daða hér fyrir neðan.