Brasilíska landsliðið mætir El Salvador í æfingaleik í nótt en leikurinn hefst klukkan 00:30 að íslenskum tíma.

Það eru nokkrir leikmenn sem fá tækifæri í byrjunarliðinu í kvöld og má nefna markvörðinn Neto.

Neto hefur verið partur af landsliði Brasilíu undanfarin átta ár en hann fékk fyrst kallið árið 2010.

Neto hefur þrátt fyrir það aldrei fengið að spila leik en fær nú tækifærið í fyrsta sinn, 29 ára gamall.

Neto er markvörður Valencia á Spáni en hann kom þangað frá Juventus á síðasta ári.

Hann var lengi talinn gríðarlega efnilegur leikmaður og á að baki sex leiki fyrir U23 landslið Brassa.