Erik Hamren, landsliðsþjálfari Íslands, viðurkennir það að hann hafi vitað að byrjun hans með íslenska landsliðið yrði erfið.
Hamren hefur stýrt Íslandi í tveimur leikjum, í 6-0 tapi gegn Sviss og svo 3-0 tapi gegn Belgíu í kvöld.
Hamren var spurður út í það hvort hann sæi eftir að hafa tekið starfið að sér og svaraði því svona:
,,Ég vissi það þegar ég tók við starfinu að fyrstu fimm leikirnir yrðu erfiðir,” sagði Hamren á blaðamannafundi.
,,Við spilum við Frakka og svo tvisvar við Belgíu sem er í öðru sæti og svo Sviss sem er í áttunda sæti tvisvar. Það eru fyrstu leikirnir, þetta er erfitt.”
,,Það er ekkert sem þú getur gert. Þú getur verið sigurvegari ef þú tapar, það er það sem ég er að reyna að segja.”
,,Við reynum að standa okkur og ná í góð úrslit svo við getum verið á meðal efstu tíu liða. Það verður erfitt.”
,,Við vorum svekktir eftir leikinn gegn Sviss og gerðum ekki okkar besta. Við fórum ekki eftir leikplani.”