Cristiano Ronaldo yfirgaf lið Real Madrid í sumar og skrifaði undir samning við ítalska stórliðið Juventus.

Luis Suarez, leikmaður Barcelona, viðurkennir það að ákvörðun Ronaldo hafi komið sér á óvart í sumar.

,,Augljóslega kom þetta á óvart vegna þess hversu vel honum hafði vegnað í Madríd. Hann vann allt þar og Madríd hjálpaði honum að þróa sinn leik,” sagði Suarez.

,,Svo þetta kemur þér aðeins á óvart en svona er fótboltinn. Einn daginn geturðu sagt að þú sért ánægður þar sem þú ert en það gæti breyst næsta dag. Þetta er ákvörðun sem þarf að virða.”

,,Við erum í spænsku úrvalsdeildinni og keppum við lið eins og Real Madrid, Atletico Madrid, Sevilla, Villarreal, Valencia og öll önnur lið. Við vorum ekki að keppa við einn leikmann.”