Claude Makelele, fyrrum leikmaður Chelsea, telur að Jose Mourinho elski það að vinna hjá Manchester United.

Makelele og Mourinho unnu saman hjá Chelsea á sínum tíma en Mourinho tók við liði United fyrir tveimur árum.

Makelele er ekki sammála þeim sem segja að Mourinho sé ‘búinn’ og telur að hann elski það að vinna hjá félaginu.

,,Ég held að Jose Mourinho elski þetta starf. Hann elskar fótbolta,” sagði Makelele.

,,Hann er einn af þessum mögnuðu þjálfurum. Ég lærði mikið undir hans stjórn. Hann er keppinautur.”

,,Hann vill gefa leikmönnum sínum ást, alltaf. Hann vill ná árangri með þá leikmenn sem hann er með.”