Aaron Ramsey, leikmaður Arsenal, hefur enn ekki skrifað undir nýjan samning við félagið en hann verður samningslaus næsta sumar.
Ramsey hefur verið hjá Arsenal undanfarin tíu ár en hann kom til félagsins frá Cardiff árið 2008.
Ramsey hefur síðan þá fengið reglulega að spila á Emirates en framtíð hans hefur mikið verið rædd í sumar.
Samkvæmt nýjustu fregnum er Ramsey nú nálægt því að skrifa undir nýjan samning við félagið.
Það eru gleðifréttir fyrir stuðningsmenn Arsenal en Ramsey hefur gert 58 mörk í yfir 300 leikjum fyrir félagið.
Greint er frá því að ekkert samkomulag sé í höfn ennþá en útlitið er bjartara en áður.