Hannes Þór Halldórsson markvörður íslenska landsliðsins hefur lofað því að að liðið mæti tryllt til leiks gegn Belgíu, í Þjóðadeildinni á morgun.
Hannes og félagar fengu alvöru skell á laugardag þegar liðið tapaði 6-0 gegn Sviss.
,,Við munum mæta trylltir og bæta upp fyrir þetta, við þurfum að í þennan leik með blöndu af auðmýkt og sjálfstrausti. Við erum kannski að spila á móti besta liði í heimi, okkur hefur liðið vel hérna á Laugardalsvelli. Við verðum að muna það, það hafa frábærir hlutir gerst hér í 5-6 ár. Þetta var skellur á laugardaginn, skarð í sjálfstraustið. Við verðum að einangra það, við verðum að vera klárir í þetta verkefni,“ sagi Hannes.
Hannes fór yfir það hvernig leikmenn hafa tæklað laugardaginn hjá sér.
,,Það hefur verið á alla vegu, menn ræddu mikið saman eftir leik. Þetta var óvenjulegt, við höfum ekki lent í svona áður og maður bjóst ekki við að lenda í þessu. Menn hafa tæklað þetta saman og í sitthvoru lagi, í flugvélinni á leiðinni heim. Við reynum að dvelja ekki of lengi við þetta.“