Emil Hallfreðsson miðjumaður íslenska landsliðsins á að vera leikfær er liðið mætir Belgíu á morgun í Þjóðadeildinni.
Emil gat ekki spilað í 6-0 tapi gegn Sviss á útivelli á laugardaginn.
Hann hefur verið að glíma við meiðsli en mun æfa í dag og ætti því að geta spilað.
,,Hann getur spilað, hann æfir í dag. Birkir Bjarnason er slæmur í baki en ég held að allir geti spilað á morgun,“ sagði Erik Hamren þjálfari liðsins í dag.
Ljóst er að íslenska liðið hefur mikið að sanna á morgun en leikurinn hefst 18:45.