Edwin van der Sar, fyrrum leikmaður Manchester United, hefur undanfarið starfað hjá sínu fyrrum félagi, Ajax.
Van der Sar hefur verið orðaður við endurkomu til United sem vill ráða yfirmann knattspyrnumála til starfa.
Van der Sar segir hins vegar að það sé ekkert til í því að hann sé á leið aftur á Old Trafford.
,,Ég sá þessa frétt fyrir nokkrum vikum en þessi saga um að ég sé að snúa aftur er kjaftæði,” sagði Van der Sar.
,,Ég held að ég hafi skrifað undir tveggja ára samning. Ajax er mitt félag og ég vil vera hér lengur. Það sem við viljum afreka er fallegt.”