Antonio Rudiger, leikmaður Chelsea á Englandi, telur að aðeins einn leikmaður sé betri en Eden Hazard, samherji sinn í dag.
Hazard hefur byrjað tímabilið vel með Chelsea og var þá einn besti leikmaður HM í Rússlandi í sumar.
Rudiger elskar að spila með Belganum og vill meina að aðeins Lionel Messi sé betri leikmaður.
Rudiger ræddi um það að mæta Kylian Mbappe, leikmanni franska landsliðsins en hann kemst ekki í efstu tvö sæti Þjóðverjans.
,,Mbappe er ótrúlega snöggur og mjög góður. Þú þarft allt liðið til að stöðva hann því gangi þér vel ef þú ert einn!” sagði Rudiger.
,,Að mínu mati þá er besti leikmaður heims Lionel Messi og þar á eftir, Eden Hazard.”