Bernd Leno, markvörður Arsenal, hefur enn ekki byrjað leik á þessu tímabili eftir að hafa komið til liðsins í sumar.

Leno var lengi aðalmarkvörður Bayer Leverkusen í Þýskalandi áður en hann tók skrefið til Englands.

Leno kostaði Arsenal um 20 milljónir punda en Petr Cech hefur þrátt fyrir það verið í marki liðsins á leiktíðinni.

Martin Keown, fyrrum leikmaður Arsenal, segir að Leno sé með ákveðna veikleika sem gætu komið honum í vandræði.

,,Ef þú horfir á tölfræði markvarða í Evrópu þá er Leno frábær í því að koma boltanum í spil,” sagði Keown.

,,Hann er hins vegar ekki sá besti þegar kemur að því að verja skot sem hann á að verja.”

,,Hann var ekki í þýska landsliðshópnum á HM og fékk ekki séns í þessu landsleikjahléi. Hversu góður er hann? Við erum ekki viss.”