Jose Mourinho, stjóri Manchester United, er sagður opinn fyrir því að selja Paul Pogba aftur til Juventus.
Pogba kom til United frá Juventus fyrir tveimur árum en hann var einn allra besti leikmaður ítalska liðsins.
Frakkinn hefur þó ekki þótt standa undir væntingum á Old Trafford og er sagður vilja komast burt.
Samkvæmt fregnum dagsins er Mourinho opinn fyrir því að leyfa Pogba að fara en vill fá leikmann í staðinn.
Mourinho er aðeins tilbúinn að selja Pogba aftur til Ítalíu ef hann fær Paulo Dybala á móti.
Dybala fær ekki eins mikið að spila hjá Juventus og margir halda og gæti freistað þess að fara annað þar sem hann er algjör lykilmaður.