Jurgen Klopp, stjóri Liverpool, viðurkennir það að hann sé í sambandi við fyrrum leikmann liðsins, Steven Gerrard.
Gerrard hefur gert góða hluti með lið Rangers í Skotlandi og þá sérstaklega í Evrópudeildinni.
Klopp segir að Gerrard hafi aldrei beðið sig um ráð og býst ekki við að það muni gerast á næstunni.
,,Rangers stóð sig mjög vel í Evrópukeppninni. Gerrard er að setja saman gott lið,” sagði Klopp við the Mirror.
,,Þegar ég byrjaði sem stjóri þá bað ég ekki um ráð því ég vissi ekki hvern ég ætti að tala við. Steven spyr ekki því hann þarf þess ekki.”
,,Við erum í sambandi en það er ekki svo að hann geti spurt mig um ráð.”