Nabi Keita, leikmaður Liverpool, viðurkennir það að hann hafi verið í miklum vandræðum er hann lék gegn Bayern Munchen í Bundesligunni.
Keita var lengi á mála hjá RB Leipzig í Þýskalandi og þurfti að spila við stjörnuprýtt lið Bayern.
Einn af þeim leikmönnum sem hann spilaði við var fyrrum leikmaður Liverpool, Xabi Alonso.
Keita segir að það hafi verið martröð að spila gegn Alonso en hann bjó yfir frábærri sendingargetu. Hann hefur lagt skóna á hilluna í dag.
,,Þegar ég spilaði gegn Bayern þá var ég alltaf í vandræðum með Xabi Alonso,” sagði Keita.
,,Hann er svo reynslumikill og ég þurfti að þjást. Hvernig hann hann dreifði boltanum þýddi það að þú gast aldrei hætt að hlaupa. Hann var mjög gáfaður.”