Trent Alexander-Arnold, leikmaður Liverpool, hefur greint frá því hvaða leikmenn gerðu honum lífið leitt á síðustu leiktíð.
Alexander-Arnold átti gott tímabil með Liverpool á síðasta tímabili en hann er aðeins 19 ára gamall og er mikið efni.
Bakvörðurinn nefnir tvo leikmenn, Marcus Rashford hjá Manchester United og Wilfried Zaha hjá Crystal Palace.
,,Ef þú skoðar leikina áður en við mættum Manchester City í Meistaradeildinni þá spiluðum við Manchester United á útivelli og Crystal Palace heima þar sem Marcus Rashford og Wilfried Zaha voru erfiðir að eiga við,” sagði Alexander-Arnold.
,,Marcus Rashford, hann er örugglega fljótasti leikmaður deildarinnar en það er ekki bara hraði, þetta snýst um að koma þér úr jafnvægi, þá ná þeir þér. Þetta er ekki bara kapphlaup.”
,,Þeir koma þér úr jafnvægi og þá er líkaminn illa staðsettur og þeir eru farnir framhjá þér.”