Usain Bolt, fljótasti maður heims, hefur enn ekki gefið upp drauminn um að gerast atvinnumaður í fótbolta.

Bolt er nú á reynslu hjá ástralska félaginu Central Coast Mariners en liðið leikur í efstu deild í Ástralíu.

Bolt mætti á sína fyrstu æfingu í morgun en hann hefur áður reynt fyrir sér hjá nokkrum liðum í Evrópu.

Bolt er 32 ára gamall í dag en hann hefur lagt hlaupaskóna á hilluna og vill gerast knattspyrnumaður.

Bolt hefur æft með Borussia Dortmund, Mamelodi Sundowns og Stromsgodset eftir að hafa hætt í frjálsum íþróttum í fyrra.

Bolt vonast til að fá samning hjá ástralska félaginu en hann er sjálfur mikill fótboltaaðdáandi.

Hér má sjá myndir af Bolt á sinni fyrstu æfingu.