Íslandsmeistarar Vals unnu gríðarlega mikilvægan sigur í Pepsi-deild karla í kvöld er liðið heimsótti Breiðablik í Kópavoginn.

Valsmenn voru mun sterkari aðilinn í fyrri hálfleik og gerðu tvö mörk en Patrick Pedersen sá um að skora þau.

Blikar mættu sterkir til leiks í síðari hálfleik og á 70. mínútu leiksins lagaði Thomas Mikkelsen stöðuna fyrir þá grænu eftir mistök Antons Ara í marki Vals.

Dion Acoff gerði hins vegar út um leikinn fyrir Val á 82. mínútu og kom gestunum í 3-1 og reyndist það síðasta mark leiksins.

Valsmenn eru nú á toppi deildarinnar með leik til góða en liðið er einu stigi á undan Blikum.

Víkingur Reykjavík og Fjölnri skildu jöfn á sama tíma en Fjölnismenn tryggðu stig í þeim leik í blálokin,

Eftir að hafa lent 1-0 undir komu Víkingar sterkir til baka og þeir Rick Ten Voorde og Arnþór Ingi Kristinsson sáu um koma gestunum yfir.

Guðmundur Karl Guðmundsson jafnaði metin fyrir Fjölni á 94. mínútu leiksins í Grafarvogi og lokastaðan 2-2.

Breiðablik 1-3 Valur
0-1 Patrick Pedersen(víti, 34′)
0-2 Patrick Pedersen(45′)
1-2 Thomas Mikkelsen(70′)
1-3 Dion Acoff(82′)

Fjölnir 2-2 Víkingur R.
1-0 Ægir Jarl Jónasson(37′)
1-1 Rick Ten Voorde(53′)
1-2 Arnþór Ingi Kristinsson(73′)
2-2 Guðmundur Karl Guðmundsson(94′)