Real Madrid spilaði sinn fyrsta leik í spænsku úrvalsdeildinni í gær er liðið mætti Getafe á Santiago Bernabeu.
Real var mun sigurstranglegra liðið fyrir leikinn og olli engum vonbrigðum og vann að lokum 2-0 sigur.
Dani Carvajal skoraði fyrra mark Real í sigrinum áður en Gareth Bale bætti við öðru í þægilegum sigri.
Real spilar nú án Cristiano Ronaldo og virðist það hafa haft ansi stór áhrif á stuðningsmenn félagsins.
48,466 þúsund manns mættu á völlinn í gær en yfir 80 þúsund manns geta komist fyrir á Bernabeu.
Það er versta mæting á Bernabeu í heil tíu ár en síðast mættu tæplega 50 þúsund manns mættu á lokaleik liðsins tímabilið 2008-2009.
Það var áður en Ronaldo samdi við félagið en hann kom til Spánar sumarið 2009.
