Það er oft ekki nóg að vera góður leikmaður og ná árangri á Englandi en enska úrvalsdeildin er ansi sérstök.
Margir leiknir og skemmtilegir leikmenn hafa lent í veseni á Englandi í gegnum tíðina og enda á því að fara annað eftir stutt stopp.
Riyad Mahrez er ekki einn af þeim en hann hefur gert allt vitlaust á Englandi síðan hann kom til Leicester City árið 2014.
Mahrez var svo keyptur á metfé til Manchester City í sumar en hann bjóst sjálfur aldrei við því að reyna fyrir sér á Englandi.
,,Ég bjóst aldrei við því að ég myndi spila á Englandi. Ég bjóst við því að spila á Spáni eða í Frakklandi. Mér fannst það henta mínum leikstíl betur,“ sagði Mahrez.
,,Þú veist hins vegar aldrei hvað gerist í lífinu. Þegar ég kom hingað þá fann ég fótboltann sem mér líkar við og fótboltann sem ég vildi.“