Sam Allardyce, fyrrum landsliðsþjálfari Englands, segir að það sé vitleysa að hlusta á sparkspekinga Sky Sports sem hafa tjáð sig aðeins um minni liðin á Englandi.
Sérfræðingar Sky vilja meina að minni liðin geti alveg eins reynt að sækja gegn stórliðunum frekar en að reyna að tapa með einu marki.
Allardyce svaraði Gary Neville, Jamie Redknapp og Jamie Carragher í gær en hann var gestur í setti beIN Sports er Manchester City vann Huddersfield með sex mörkum gegn einu.
,,Pressan á þjálfurum, jafnvel hjá Huddersfield er mikil. Allir eru að segja að þeir tapi engu á að reyna að skora,“ sagði Allardyce.
,,Það sem þú vilt alls ekki er að tapa með fimm eða sex mörkum. ‘Þú gætir alveg eins tapað með fimm eða sex mörkum og með einu marki’.
,,Ég hef heyrt Gary Neville, Jamie Carragher, Jamie Redknapp og þá tala um þetta og þetta snýst ekki um að tapa með svona miklu.“
,,Þú missir starfið á endanum. Þú stillir upp þeirri vörn sem þú hefur og reynir að ná í það sem þú getur. Ef það tekst þá er það vel verðskuldað.“