Jurgen Klopp, stjóri Liverpool segir að það sé algjört bull að halda það að Manchester City sé mun veikara lið eftir meiðsli miðjumannsins Kevin De Bruyne.
De Bruyne verður frá keppni í allt að þrjá mánuði en hann er að glíma við hnémeiðsli þessa stundina.
Klopp er mikill aðdáandi De Bruyne en segir það vitleysa að meiðsli hans gefi öðrum liðum deildarinnar mun stærri möguleika.
,,Sá sem horfir þannig á stöðuna er hálfviti, ef ég á að vera hreinskilinn. Ég er ekki þannig, ég vil fyrst og fremst óska honum góðs bata,“ sagði Klopp.
,,Ég elska þennan leikmann. Ég vildi mikið fá hann þegar ég var hjá Dortmund og hann hjá Chelsea en Jose Mourinho vildi ekki láta mig fá hann!“
,,Þvílíkt tímabil sem hann átti og þvílíkt HM sem hann átti. Ég vorkenni honum en þeir eru með aðra möguleika.“
