Romelu Lukaku, leikmaður Manchester United, ætlar að hætta með belgíska landsliðinu eftir EM 2020.
Frá þessu greinir leikmaðurinn í dag en Lukaku er aðeins 25 ára gamall og myndi þá hætta með landsliðinu 27 ára.
Lukaku hefur spilað 75 landsleiki og gert 40 mörk en það fylgir því ákveðin pressa að spila fyrir þjóðina.
,,Eftir EM þá held ég að skórnir fari á hilluna. Á hverju stórmóti eigum við sem lið að komast í undanúrslit og svo vinna þaðan,“ sagði Lukaku.
,,Þú getur farið alla leið og unnið mótið en þú mátt ekki komast styttra en í undanúrslitin.“