Jesse Lingard, leikmaður Manchester United, er ósáttur við tölvuleikjaframleiðandann EA Sports þessa dagana.
Nú styttist í að tölvuleikurinn FIFA 19 verði gefinn út en venjan er að hægt sé að næla sér í eintak í september á hverju ári.
Lingard er orðinn þreyttur á hvernig hann lítur út í leiknum og biður EA vinsamlegast um að breyta hárgreiðslu hans í leiknum.
Lingard segist hafa verið með sömu hárgreiðsluna í ’99 ár’ í leiknum en hann breytir reglulega til sjálfur.
Wilfried Zaha, leikmaður Crystal Palace, tekur undir með Lingard og biður EA um að breyta sér í leiknum.