Markvörðurinn Thibaut Courtois er genginn í raðir Real Madrid en hann kemur þangað frá Chelsea á Englandi.
Courtois skrifaði undir samning við Real á dögunum en hann lék áður með Atletico Madrid í þrjú ár.
Gabi, fyrrum fyrirliði Atletico, segir að það sé gríðarlega sárt að sjá fyrrum liðsfélaga sinn ganga í raðir Real.
,,Að sjá Courtois í Real Madrid treyjunni er mjög sárt að horfa upp á,“ sagði Gabi í samtali við AS.
,,Þegar þú hefur spilað með einhverjum og unnið titla og hann semur svo við nágrannana, það er skrítin og sársaukafull tilfinning.“