Albert Guðmundsson gerði samning við hollenska félagið AZ Alkmaar í dag en hann kemur þangað frá PSV.
Félagaskipti Alberts hafa legið í loftinu undanfarna daga en hann vildi kost burt frá PSV þar sem tækifærin voru fá.
Albert segist vera afar ánægður með skiptin og ræddi við liðsfélaga sinn í landsliðinu og fyrrum leikmann AZ, Jóhann Berg Guðmundsson áður en hann tók ákvörðunina.
,,Ég er mjög ánægður og hlakka til þess að komast aftur á völlinn og spila fyrir AZ Alkmaar,“ sagði Albert.
,,Ef ég á að velja ástæðu fyrir skiptunum þá sýndu þeir mér mikinn áhuga og spila skemmtilegan sóknarbolta. Það hafa líka margir íslenskir leikmenn spilað hérna.“
,,Ég ræddi við nokkra af þeim, eins og ég segi þá sögðu þeir mjög jákvæða hluti um félagið, þetta var auðveld ákvörðun.“
,,Jóhann Berg talaði um hversu mikill fjölskylduklúbbur þetta væri og hvernig þeir hjálpa þér að þroskast sem leikmaður strax.“
,,Ég er leikmaður sem get spilað nokkrar stöður, á vængnum, miðjunni eða frammi og ég legg mig hart fram fyrir liðið til að tryggja þrjú stig.“