Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.
Hér má sjá pakka dagsins
Stjórn Manchester United sagði Jose Mourinho að hætta að biðja um meiri pening til leikmannakaupa og einbeita sér að liðinu sem hann er með á milli handanna (Mirror)
Mourinho trúir því að umboðsmaður Paul Pogba, Mino Raiola, hafi skemmt fyrir liðinu með því að bjóða Barcelona að kaupa miðjumanninn.
Yerri Mina gekk í raðir Everton frá Barcelona í gær en spænska liðið getur keypt hann aftur á 53 milljónir punda. (Marca)
Danny Rose, leikmaður Tottenham, vill komast til Paris Saint-German á láni. (Sun)
Sporting Lisbon er að tryggja sér Stefano Sturaro, leikmann Juventus eftir að Watford mistókst það í gær. (A Bola)
Jack Grealish, leikmaður Aston Villa, mun skrifa undir nýjan samning við félagið sem inniheldur klásúlu sem leyfir honum að fara ef liðinu tekst ekki að komast upp um deild. (Star)
Everton gat ekki fengið Marcos Rojo frá Manchester United því liðinu mistókst að finna leikmann í staðinn. (Mail)