Maurizio Sarri, stjóri Chelsea, telur að það sé ómögulegt að Eden Hazard sé á förum frá félaginu í sumar.
Hazard var lengi orðaður við Real Madrid í sumar en nú geta ensk úrvalsdeildarfélög ekki keypt leikmenn lengur.
Það yrði mikill missir fyrir Chelsea ef Hazard færi annað þar sem liðið gæti ekki fengið nýjan mann í staðinn.
,,Ég held að það sé ómögulegt að hann sé að fara því félagaskiptamarkaðurinn er lokaður,“ sagði Sarri.
,,Við getum ekki breytt um lykilmenn núna svo ég held það sé ekki hægt. Hazard er með okkur.“
,,Ég hef rætt við hann þrisvar eða fjórum sinnum og hann hefur aldrei rætt um markaðinn. Ég held að hann sé ánægður hérna.“
