Mauricio Pochettino, stjóri Tottenham, segir að hann sjái ekki eftir því að hafa ekki fengið inn leikmann til liðsins í sumar.

Tottenham var eina liðið í ensku úrvalsdeildinni sem ákvað að fá ekki inn nýtt blóð fyrir byrjun deildarinnar.

Pochettino sér þó ekki eftir neinu og viðurkennir að það hafi verið sameiginleg ákvörðun að fá engan inn.

,,Við höldum okkar bestu leikmönnum, við erum hugrakkir. Allir munu spyrja sig ‘Oh Tottenham keypti ekki neinn.’ Eigum við að kaupa einhvern bara af því bara?“ sagði Pochettino.

,,Við tókum ákvörðun um að kaupa engan. Kannski lítur það illa út fyrir okkur en það er okkar ákvörðun. Við höldum okkar hóp, það er hugrökk ákvörðun.“