Breiðablik tapaði stigum í aðeins annað sinn í sumar er liðið heimsótti ÍBV í 13. umferð Pepsi-deildar kvenna.
Blikar gerðu sitt fyrsta jafntefli í sumar í Eyjum en Cloe Lacasse tryggði ÍBV stig í 1-1 jafntefli eftir að Berglind Björg Þorvaldsdóttir hafði komið þeim grænu yfir.
Valur vann gríðarlega mikilvægan sigur á HK/Víkingi síðar í kvöld og er nú átta stigum frá toppliði Blika.
Guðrún Karítas Sigurðardóttir sá um að tryggja Val öll stigin í kvöld í 2-1 sigri en hún skoraðii sigurmarkið undir lok leiksins stuttu eftir að hafa komið inná.
Stjarnan heldur þá í vonina um að ná toppliðunum en liðið gerði góða ferð til Grindavíkur og vann þar 2-1 sigur.
ÍBV 1-1 Breiðablik
0-1 Berglind Björg Þorvaldsdóttir(32′)
1-1 Cloe Lacasse(80′)
HK/Víkingur 1-2 Valur
1-0 Karólína Jack(9′)
1-1 Fanndís Friðriksdóttir(16′)
1-2 Guðrún Karítas Sigurðardóttir(81′)
Grindavík 1-2 Stjarnan
0-1 Harpa Þorsteinsdóttir(47′)
0-2 Þórdís Hrönn Sigfúsdóttir(54′)
1-2 Rio Hardy(68′)