Framherjinn Michy Batshuayi hefur skrifað undir samning við lið Valencia á Spáni.
Þetta var staðfest í dag en þessi 24 ára gamli leikmaður gerir eins árs langan lánssamning við félagið.
Batshuayi hefur ekki náð að sanna sig á Englandi en hann stóð sig vel með Borussia Dortmund á láni á síðustu leiktíð.
Valencia mun spila í Meistaradeildinni á leiktíðinni eftir að hafa hafnað í fjórða sæti deildarinnar.
Chelsea getur því ekki treyst á Belgann á tímabilinu og þarf að nota þá Tammy Abraham, Alvaro Morata og Olivier Giroud.
