Keylor Navas, leikmaður Real Madrid, er ekki á förum frá félaginu fyrir lok félagaskiptagluggans þann 31. ágúst.
Real hefur nú fest kaup á markverðinum Thibaut Courtois en hann kom til liðsins frá Chelsea.
Talað er um að Navas gæti farið annað í stað þess að vera varamarkvörður liðsins á tímabilinu.
Navas hefur þó engan áhuga á að yfirgefa Real og væri alveg jafn mikið til í að deyja og að semja við nýtt lið.
,,Auðvitað vil ég vera hérna áfram, ég segi þetta af fullum krafti, mig langar jafn mikið að deyja og að yfirgefa félagið,“ sagði Navas.
