Jurgen Klopp, stjóri Liverpool, segir að samband hans og fyrrum leikmanns liðsins, Emre Can, hafi alltaf verið gott.

Klopp segir að Can hafi ekki farið vegna vandamála sem komu upp þeirra á milli en viðurkennir að hann hafi viljað fá pening fyrir miðjumanninn sem fór frítt til Juventus.

,,Samband okkar var alltaf mjög gott. Það var ekkert vandamál með að hann hafi viljað fara,“ sagði Klopp.

,,Eina vandamálið var það að ég vildi fá pening fyrir hann. ‘Skrifaðu undir nýjan samning og svo seljum við þig!’ Það var samt aldrei í boði.“

,,Það komu aldrei upp nein vandamál á milli mín og Emre. Emre er núna 24 ára gamall og að spila í öðru landi getur verið hans markmið.“