Peningurinn er búinn hjá Manchester City segir stjóri liðsins, Pep Guardiola, sem var rólegur á leikmannamarkaðnum í sumar.
City keypti aðeins einn leikmann í sumarglugganum en Riyad Mahrez kom til liðsins fyrir 60 milljónir punda frá Leicester City.
,,Þeir sýndu mér síðustu tvö tímabil að ég get treyst þeim svo ég tel að við séum með góðan hóp,“ sagði Guardiola.
,,Ég sagði það á síðustu leiktíð að við gætum ekki eytt í leikmenn á hverju tímabili, við eyðum þegar við þurfum að eyða. Það voru sjö eða átta leikmenn sem voru yfir þrítugt.“
,,Ég er ánægður með hópinn og sagði á síðustu leiktíð að einn eða tvær gætu komið inn en við eigum ekki til meiri pening, það er sannleikurinn.“
