Robert Lewandowski vildi komast burt frá liði Bayern Munchen í sumar en umboðsmaður hans staðfesti það fyrr í sumar.
Niko Kovac tók við liði Bayern í sumar en hann hafði engan áhuga á því að leyfa Pólverjanum að fara.
Kovac hefur nú greint frá því að hann hafi rætt við leikmanninn og tjáð honum það að hann væri ekki til sölu.
,,Það er rétt að við höfum rætt málin í síðustu viku. Robert veit hvað mér finnst um hann,“ sagði Kovac.
,,Allt félagið veit hversu góður hann er. Hann er klárlega á meðal þriggja bestu sóknarmanna heims.“
,,Við viljum ekki selja hann og ég tjáði Robert það. Hann hefur sætt sig við það og það var ánægjulegt.“