Manchester United er að reyna við varnarmanninn Diego Godin ef marka má frétt Sky Sports í morgun.
Godin er 32 ára gamall varnarmaður en hann hefur verið fastamaður hjá Atletico frá árinu 2010.
Jose Mourinho, stjóri United, vill ólmur fá til sín hafsent áður en félagaskiptaglugginn lokar í dag.
United skoðar þann möguleika að fá Godin en ekki er talið að Atletico sé tilbúið að hleypa honum burt.
Úrúgvæinn hefur spilað 247 deildarleiki fyrir félagið á átta árum og gert 14 mörk.
