Framherjinn Danny Ings hefur gert samning við lið Southampton í ensku úrvalsdeildinni.
Þetta staðfesti félagið í kvöld en Ings kemur til liðsins á láni frá Liverpool þar sem hann hefur spilað síðustu þrjú ár.
Ings kom til Liverpool frá Burnley árið 2015 en hefur aðeins leikið 14 deildarleiki fyrir liðið.
Meiðsli hafa sett stórt strik í reikning Ings sem spilaði sinn fyrsta og eina landsleik fyrir England árið 2015.
Ings er 26 ára gamall en hann var frábær með Burnley áður en hann samdi við Liverpool.
Ings er lánaður til félagsins en hann verður svo keyptur næsta sumar.