Maurizio Sarri, stjóri Chelsea, býst ekki við því að lykilmenn liðsins muni spila í fyrsta leik ensku úrvalsdeildarinnar um helgina.
Chelsea heimsækir Huddersfield á laugardaginn en verður líklega án N’Golo Kante, Eden Hazard og Olivier Giroud.
Leikmennirnir þrír spiluðu mikið á HM í sumar en þeir komu aðeins við sögu í leik Chelsea gegn Lyon í gær.
,,Þeir komu hingað í gær eða degi fyrr. Það var betra að leyfa þeim að spila 25 mínútur frekar en að æfa einir með einkaþjálfara. Þeir verða að leggja hart að sér,“ sagði Sarri.
,,Já ég held að það verði mjög erfitt fyrir þá að spila gegn Huddersfield, sérstaklega ef við horfum á þá alla.“
