Fulham á Englandi var boðið að fá bakvörðinn Danny Rose frá Tottenham í sumar. The BBC greinir frá.
Rose spilaði aðeins tíu leiki fyrir Tottenham á síðustu leiktíð en óvíst er hvort hann eigi framtíð hjá félaginu undir stjórn Mauricio Pochettino.
Manchester United hefur margoft verið orðað við Rose sem á að baki 23 landsleiki fyrir England.
Fulham var þó óvænt boðið að fá þennan 28 ára gamla bakvörð í skiptum fyrir hinn unga Ryan Sessegnon.
Sessegnon er aðeins 18 ára gamall en hann hefur spilað 71 leik með Fulham og gert 20 mörk.
Sessegnon getur spilað í vinstri bakverði og á vinstri væng en Fulham vildi alls ekki missa hann eftir að hafa tryggt sér sæti í efstu deild.