Erik Hamren var í dag ráðinn nýr landsliðsþjálfari karlalandsliðsins en hann tekur við af Heimi Hallgrímssyni.
Hamren var landsliðsþjálfari Svía í sjö ár og það ekki ólíkt Lars Lagerback sem þjálfaði Svíþjóð í níu ár áður en hann kom til Íslands.
Hamren og Lagerback eru landar frá Svíþjóð en eins og flestir vita náði sá síðarnefndi frábærum árangri með liðið.
Hamren var spurður að því í dag hvort hann hafi rætt við Lars áður en hann tók að sér starfið.
,,Nei ég hef ekki rætt við hann. Ég hef aðeins talað við fjölskylduna og umboðsmanninn,“ sagði Hamren.