KA 1-1 FH
1-0 Callum Williams(65′)
1-1 Brandur Olsen(92′)
Það var boðið upp á dramatík á Akureyri í kvöld er lið KA fékk FH í heimsókn í Pepsi-deild karla.
Tvö mörk voru skoruð í leiknum en KA tók forystuna á 65. mínútu leiksins er Callum William kom knettinum í netið.
Williams skoraði eftir hornspyrnu en varnarleikur FH leit ekki of vel út í markinu.
Staðan var 1-0 alveg þar til í uppbótartíma er hinn færeyski Brandur Olsen jafnaði metin fyrir þá hvítu.
Brandur átti skot fyrir utan teig sem hafnaði í netinu og bjargaði stigi fyrir gestina í blálokin.