Yannick Bolasie, leikmaður Everton, gæti óvænt verið á leið í ensku Championship-deildina.
Sky Sports greinir frá því í dag að Middlesbrough hafi áhuga á að fá þennan 29 ára gamla vængmann.
Bolasie samdi við Everton sumarið 2016 en hann kostaði liðið 25 milljónir punda. Bolasie lék áður með liði Crystal Palace.
Bolasie gerði þriggja ára samning við Everton en meiðsli hafa sett stórt strik í reikning leikmannsins síðustu tvö árin.
Middlesbrough er nú tilbúið að borga 20 milljónir punda fyrir Bolasie sem var frábær fyrur Palace áður en hann færði sig yfir á Goodison Park.
Everton er tilbúið að selja leikmanninn í sumar en hvort hann vilji fara í slakari deild á eftir að koma í ljós.