Willian, leikmaður Chelsea á Englandi, er feginn að Antonio Conte sé hættur hjá félaginu en þeir tveir náðu ekki vel saman.

Willian hefur nú tjáð sig aðeins um Ítalann sem lenti einnig saman við þá David Luiz og Diego Costa.

Costa var seldur frá Chelsea síðasta sumar en þá ákvörðun gat Willian alls ekki skilið.

,,Hann lenti líka í vandræðum með David Luiz og Costa. Ég man hvað gerðist með Diego, það var eftir síðustu leiktíð og ég var í Ástralíu með brasilíska landsliðinu og Diego sendi mér skilaboð,“ sagði Willian.

,,Hann sagði við mig að hann væri á förum, að Conte þyrfti ekki á sér að halda. Ég spurði hvað hann ætti við og hann sagði mér að hann ætti ekki að snúa aftur.“

,,Þú átt ekki að losna við leikmann eins og Diego Costa. Þetta var mjög erfið staða.“